Luan Gashi, zyrtari i Komunës së Pejës është arrestuar sot nga Policia e Kosovës pas publikimit publikimit të një video në të cilin Gashi shihet duke konsumuar lëndë që dyshohet të jetë drogë dhe me një pistoletë në tavolinë.

Lajmin për Arbresh.info e ka konfirmuar zëdhënësi i Prokurorisë së Pejës, Shkodran Nikçi.

Nikçi ka thënë se me urdhër të prokurorit të shtetit Policia ka bastisur banesën e të dyshuarit dhe zyrën e tij dhe ka sekuestruar një armë.

Ai theksoi se Gashi është duke u intervistuar.

“Me autorizimin e prokurorit të shtetit Policia ka bastisur banesën e të dyshuarit dhe njëkohësisht dhe zyrën e tij të punës me ç’rast është sekuestruar një armë dhe i njëjti është arrestuar nga Policia e Kosovës dhe për momentin është duke u intervistuar dhe presim që të vlerësoj nga prokurori i shtetit për hapat e mëtutjeshëm. E gjitha kjo ka ardhur pas publikimit të materialit në KALLXO” ka thënë Nikçi./Arbresh.info